असावा सुंदर चॉक्लेटचा बंगला

असावा सुंदर चॉक्लेटचा बंगला
चंदेरी सोनेरी चमचमता चांगला
चॉक्लेटच्या बंगल्याला टॉफीच दार
शेपटीच्या झुपक्यान झाडून जाईल खार
गोल गोल लेमनच्या खिडक्या दोन
हेलो हेलो करायला छोटासा फोन
बिस्कटांच्या गच्चीवर मोर छानदार
पेपेरमींटच्या अंगणात फूल लाल लाल
चांदीच्या झाडामागे चंदोबा रहातो
छोट्याश्या फुलाशी लपाछपी खेळतो
उंच उंच झोक्याचा खेळ रंगला
मैनेचा पिंजरा वर टांगला
किती किती सुंदर चॉक्लेटचा बंगला
चंदेरी सोनेरी चमचमता चांगला

जीवनाचा अर्थ

1 . जीवनाचा अर्थ विचारायचा असेल तर तो आकाशाला आणि समुद्राला विचारा.

2. बचत म्हणजे काय आणि ती कशी करावी हे मधमाश्यांकडून शिकावं.

3. गुलाबाला काटे असतात असे म्हणून रडत बसण्यापेक्षा काट्यांना गुलाब असतो असे म्हणत हसणे उतम !

4. वेदनेतूनच महाकाव्य निर्माण होते.

5. भुतकाळ आपल्याला आठवणींचा आनंद देतो; भविष्यकाळ आपल्याला स्वप्नांचा आनंद देतो पण आयुष्याचा आनंद फ़क्त वर्तमानकाळच देतो.

6. मृत्यूला सांगाव, ये ! कुठल्याही रुपाने ये.. पण जगण्यासारखं काहीतरी जोपर्यंत माझ्याकडे आहे तोपर्यंत तुला या दाराबाहेर थांबावं लागेल.

7. मोती बनून शिंपल्यात राहण्यापेक्षा दवबिंदू होऊन चातकाची तहान भागविणे जास्त श्रेष्ठ.
8. ज्याच्या जवळ सुंदर विचार असतात तो कधीही एकटा नसतो.

9. जखम करणारा विसरतो पण जखम ज्याला झाली तो विसरत नाही.

10. आपण पक्षाप्रमाणे आकाशात उडायला शिकलो, माशाप्रमाणे समुद्रात पोहायला शिकलो पण जमिनीवर माणसासारखे वागायला शिकलो का ??

कधी तू.....................

कधी तू…रिमझिम झरणारी बरसात..

कधी तू…चमचम करणारी चांदण्यात..

कधी तू…कोसळत्या धारा थैमान वारा..

बिजलीची नक्षी अंबरात..

सळसळत्या लाटा भिजलेल्या वाटा चिंब पावसाची ओली रात..

कधी तू…रिमझिम झरणारी बरसात..

कधी तू…चमचम करणारी चांदण्यात..

कधी तू…अंग अंग मोहरणारी
आसमंत दरवळणारी रातराणी वेडया जंगलात..

कधी तू…हिरव्या चाफ्याच्या पाकळ्यात..

कधी तू…रिमझिम झरणारी बरसात..

कधी तू…कोसळत्या धारा थैमान वारा..

बिजलीची नक्षी अंबरात..
सळसळत्या लाटा भिजलेल्या वाटा..
चिंब पावसाची ओली रात..

कधी तू…रिमझिम झरणारी बरसात..

कधी तू…
चमचम करणारी चांदण्यात....♥ —

ती मुलगी मराठी असते

कंपनीमधे अनेक सुंदर मुली असतात,
पण जी गोड लाजते,
ती मुलगी मराठी असते.

कंपनीमध्ये मुली जीन्स घालुन येतात,
पण जि जीन्स बरोबर पायात पैजण घालते,
ती मुलगी मराठी असते.

कंपनीमधे अनेक मुली असतात
पण वात्रटपणा केल्यावए कानाखाली वाजवते
ती मुलगी मराठी असते

कॉलेजमधे अनेक मुली असतात
स्वतःच्या नोट्स सहज दुसरयाला देते
ती मुलगी मराठी असते

शॉपींगलाही अनेक मुली जातात
खर्चाचा विचार करुन फ़क्त कानातलं घेऊन येते
ती मुलगी मराठी असते

प्रेम सगळे करतात
पण आयुष्यभर जी कुठ्ल्याही परीस्थीमध्ये
जी प्रेमाने साथ् देते
ती मुलगी मराठी असते

मैत्री असते कशी

मैत्री असते कशी, लोणच्यासारखी?हो हो लोणच्यासारखी. मुरत जाते, जुनी झाली की...मैत्री असते कशी, दुधावरच्या सायीसारखी?हो हो सायीसारखी. घट्ट होते वेळ जा‌ईल तशी.मैत्री असते कशी, बासुंदीसारखी?हो हो बासुंदीसारखी, गोडी वाढते आटवाल तशी.मैत्री असते कशी, फोडणीसारखी?हो हो फोडणीसारखी. लज्जत येते जीवनाला तडतडली तरी.मैत्री असते कशी, मीठासारखी?हो हो मीठासारखी. नसेल तर हो‌ईल जीवन अळणी........!!!!